Денес во просториите на Министерството за образование и наука по барање на претставник на Генералниот Директорат за Вработување, г.Камачо ќе се одржи средба со представници од ИПА единица на Министерството за образование и наука, ВЕТ Центарот и ЈУ Центар за образование на возрасни. Предложените точки од дневниот ред се напредокот на Твининг проектот, предлогот за OIS 2010/11 и пристап кон ревизија на 2012/13 OPHRD.

Целта на овие прирачници е да им ги доближи и објасни процесите на верификација на програми и лиценцирање на установи и институции на провајдерите за образование на возрасните.Во првата фаза на верификација ќе се верифицираат само посебни програми за образование на возрасни кои водат кон квалификации, а во втората фаза ќе бидат опфатени и посебни програми за образование на возрасни кои водат кон одредени компетенции. Посебни програми се програми за неформално образование за стекнување на знаења, вештини и компетенции.

Прирачникот за верификација на посебните програми за образование на возрасни, Моделот на посебна програма за образование на возрасни, Барањето за верификација, како и другите документи за верификација на посебните програми за образование на возрасни ќе можат да се најдат на официјалната интернет страница на Центарот: www.cov.gov.mk.  Сите дополнителни прашања ќе може да се испратат на mail адресата: contact@cov.gov.mk.